'സന്തോഷമെന്ന് പറഞ്ഞാല്‍ പോരാ, സുകൃതം'; പദ്മനാഭസ്വാമി ക്ഷേത്രത്തില്‍ ദര്‍ശനം നടത്തി മോഹൻലാല്‍ : വീഡിയോ

● തിരുവനന്തപുരം : ശ്രീപദ്മനാഭ സ്വാമി ക്ഷേത്രത്തില്‍ മോഹൻലാല്‍ ദർശനം നടത്തി, ഇന്ന് രാവിലെയാണ് മോഹൻലാല്‍ ക്ഷേത്രത്തിലെത്തിയത്. മുറജപ ലക്ഷദിപം വിളംബരം ചെയ്യുന്ന ചടങ്ങില്‍ താരം പങ്കെടുത്തു. ലക്ഷദീപ വിളംബരം സ്വീകരിക്കുകയും വിളംബര ദീപം തെളിക്കുകയും ചെയ്തു, തിരുവിതാംകൂർ രാജകുടുംബാംഗങ്ങള്‍ മോഹൻലാലിന് വിളംബര പത്രിക കൈമാറി. ചടങ്ങില്‍ പങ്കെടുക്കാൻ കഴിഞ്ഞത് ഭഗവാൻ ശ്രീപദ്മനാഭന്റെ അനുഗ്രഹമായി കണക്കാക്കുന്നുവെന്ന് മോഹൻലാല്‍ പറഞ്ഞു. തിരുവനന്തപുരത്ത് ജനിച്ചുവളർന്ന ആളെന്ന നിലയ്ക്ക് വിശ്വാസത്തെക്കാള്‍ വികാരമാണ് ശ്രീപദ്മനാഭ സ്വാമിയും മഹാക്ഷേത്രവും എന്നും അദ്ദേഹം വ്യക്തമാക്കി. മോഹൻലാല്‍ ക്ഷേത്രത്തിലെത്തുന്ന വിവരമറിഞ്ഞ് വൻജനക്കൂട്ടമാണ് ക്ഷേത്രത്തിന് മുന്നിലെത്തിയത്. ജനത്തിരക്കില്‍ സുരക്ഷാവലയം തീർത്താണ് മോഹൻലാലിനെ ക്ഷേത്രത്തിനകത്ത് എത്തിച്ചത്.