ബസും ലോറിയും കൂട്ടിയിടിച്ച്‌ നിരവധിപേര്‍ക്ക് പരിക്കേറ്റു; ദേശീയപാതയില്‍ ഗതാഗതം സ്തംഭിച്ചു

● കോഴിക്കോട്: വടകര ദേശീയപാതയില്‍ കെ.ടി ബസാറില്‍ ഇൻഡസ് മോട്ടോഴ്സിന് സമീപം സ്വകാര്യ ബസും ലോറിയും കൂട്ടിയിടിച്ച്‌ 16 ഓളം പേർക്ക് പരിക്ക്. കണ്ണൂർ ഭാഗത്തേക്ക് പോവുകയായിരുന്ന സ്വകാര്യ ബസും കണ്ണൂർ ഭാഗത്ത് നിന്നും വരികയായിരുന്ന കണ്ടെയ്നർ ലോറിയുമാണ് അപകടത്തില്‍പ്പെട്ടത്.

വൈകീട്ട് 4:45 ഓടെയാണ് അപകടം. പരിക്കേറ്റവരെ വടകര പാർക്കോ ആശുപത്രിയില്‍ പ്രവേശിപ്പിച്ചു. ഇരു വാഹനങ്ങളുടെയും മുൻവശം തകർന്നു. ലോറി ഡ്രൈവർ ഉള്ളില്‍ കുടുങ്ങിയ നിലയിലായിരുന്നു. അപകടത്തെത്തുടർന്ന് ദേശീയപാതയില്‍ ഗതാഗതം സ്തംഭിച്ചു.

Related tags: Latest News, Kerala, Accident