● തിരുവനന്തപുരം: കിണറ്റില്‍വിണ രണ്ടരവയസ്സുകാരിയെയും രക്ഷിക്കുവാൻ പിന്നാലെ ചാടിയ അമ്മയെയും നാട്ടുകാരെത്തി കരയ്ക്കു കയറ്റി. പൊൻവിള വിനീതിന്റെ മകള്‍ അനാമിക, ഭാര്യ ബിന്ദു എന്നിവരെയാണ് രക്ഷിച്ചത്.
വീടിനു സമീപത്ത് മതില്‍ നിർമിക്കുവാനായി തീർത്ത മണ്‍കൂനയ്ക്ക് മുകളില്‍ നിന്ന് കളിക്കുകയായിരുന്ന അനാമിക അബദ്ധത്തില്‍ കിണറ്റിലേക്കു വീഴുകയായിരുന്നു. ഇതുകണ്ട ബിന്ദു കുഞ്ഞിനെ രക്ഷിക്കാനായി പിന്നാലെ ചാടി. കുഞ്ഞിനെ വെള്ളത്തിനു മുകളില്‍ സുരക്ഷിതയാക്കിയശേഷം ബിന്ദു നിലവിളിച്ചു.
ഇതുകേട്ട് ഓടിയെത്തിയ നാട്ടുകാർ ഇരുവരെയും രക്ഷപ്പെടുത്തി. പാറശ്ശാല താലൂക്ക് ആശുപത്രിയില്‍ പ്രാഥമിക ചികിത്സയ്ക്കുശേഷം കുട്ടിയെ വിദഗ്ധ പരിശോധനയ്ക്കായി എസ്‌എടി ആശുപത്രിയിലേക്കു മാറ്റി.
Social Plugin