താഴേക്കിറങ്ങാതെ സ്വർണവില : വീണ്ടും ഉയർന്ന് സ്വർണവില

● സംസ്ഥാനത്തെ സ്വർണവില വീണ്ടും കുതിച്ചുയരുന്നു. ഇന്ന് ഒരു പവൻ സ്വർണത്തിന് വില 75,240 രൂപയിലെത്തി. ഗ്രാമിന് 9405 രൂപയാണ് നൽകേണ്ടത്. ഗ്രാമിന് 15 രൂപയാണ് വർധിച്ചത്. സ്വർണവില വീണ്ടും മുക്കാൽ ലക്ഷം കടന്നത് ഉപഭോക്താക്കളിൽ ആശങ്കയുണ്ടാക്കുന്നുണ്ട്. ഓണവിപണിയിൽ സ്വർണ വിലയിൽ എന്ത് മാറ്റമുണ്ടാകും എന്ന് കാത്തിരുന്നവർക്ക് മുന്നിലാണ് അത്തം ദിനം മുതലേ വില ഉയരുന്നത്.

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കുന്നത്. അന്താരാഷ്ട്ര വിപണിക്കനുസരിച്ചാണ് ഇന്ത്യയിലെ വെള്ളി വില നിശ്ചയിക്കപ്പെടുന്നത്. ഡോളറുമായി താരതമ്യം ചെയ്യുന്പോള്‍ രൂപയുടെ വിലയില്‍ വരുന്ന കയറ്റിറക്കങ്ങളും വെള്ളി വിലയെ സ്വാധീനിക്കും.

Related tags: Gold Rate