● കണ്ണൂര്‍ : പ്രമുഖ തീർഥാടക കേന്ദ്രമായ കൊട്ടിയൂർ ശിവക്ഷേത്രത്തില്‍ സംസ്ഥാന ടൂറിസം വകുപ്പിന്റെ തലശ്ശേരി പൈതൃക ടൂറിസം പദ്ധതിക്ക് കീഴില്‍ നടപ്പിലാക്കിയ സമഗ്ര വികസന പദ്ധതിയുടെ പ്രവൃത്തി പൂർത്തീകരണ ഉദ്ഘാടനം പൊതുമരാമത്ത്, ടൂറിസം വകുപ്പ് മന്ത്രി പി എ മുഹമ്മദ് റിയാസ് നിർവഹിച്ചു. അഡ്വ. സണ്ണി ജോസഫ് എംഎല്‍എ അധ്യക്ഷനായി.
സംസ്ഥാന സർക്കാർ ഫണ്ടില്‍ നിന്ന് 4.52 കോടിയും കിഫ്ബി ഫണ്ടില്‍ നിന്ന് 5.45 കോടി രൂപയും ചെലവഴിച്ചാണ് പദ്ധതി പൂർത്തീകരിച്ചത്. മ്യൂസിയം, കെട്ടിടം, മാർക്കറ്റ്, ഗോശാല, ഊട്ടുപുര, കാർ പാർക്കിംഗ്, ഡോർമറ്ററി ആൻഡ് ക്ലോക്ക് റൂം, ഓപണ്‍ തിയറ്റർ, ടിക്കറ്റ് കൗണ്ടർ, പില്‍ഗ്രിം ഷെല്‍ട്ടർ എന്നിവയാണ് പ്രധാന ഘടകങ്ങള്‍.
ദക്ഷിണേന്ത്യയിലെ പ്രശസ്ത ക്ഷേത്രമായ കണ്ണൂർ ജില്ലയിലെ കൊട്ടിയൂർ മഹാദേവ ക്ഷേത്രത്തില്‍ ടൂറിസം വകുപ്പ് നടപ്പിലാക്കിയ വിവിധ പദ്ധതികള്‍ ഇന്ന് നാടിന് സമർപ്പിച്ചു. തീർത്ഥാടക - പൈതൃക ടൂറിസത്തെ പ്രോത്സാഹിപ്പിക്കുന്നതിന്റെ ഭാഗമായാണ് 10 കോടിയോളം രൂപ ചെലവഴിച്ച്‌ കൊട്ടിയൂർ ക്ഷേത്രത്തില്‍ വിവിധ വികസന പദ്ധതികള്‍ ടൂറിസം വകുപ്പ് നടപ്പിലാക്കിയത്.
Social Plugin