പയ്യന്നൂരിൽ ഗ്യാസ് ഏജൻസി ജീവനക്കാരനെ ആക്രമിച്ച് പണം തട്ടിയ കേസിൽ തളിപ്പറമ്പ് സ്വദേശികളായ മൂന്ന് പേർ അറസ്റ്റിൽ

● പയ്യന്നൂർ : പയ്യന്നൂരിൽ ഗ്യാസ് ഏജൻസി ജീവനക്കാരനെ ആക്രമിച്ച് പണം തട്ടിയ കേസിൽ തളിപ്പറമ്പ് സ്വദേശികളായ മൂന്ന് യുവാക്കളെ പോലീസ് അറസ്റ്റു ചെയ്തു. തളിപ്പറമ്പ് പട്ടുവം സ്വദേശി കൊവ്വൻ ഹൗസിൽ

മുഹമ്മദ്അജ്മൽ (23), തളിപ്പറമ്പ് മന്നയിലെ മൈരാകത്ത് ഹൗസിൽ മുഹമ്മദ് റുഹൈൽ (21), മുയ്യം സ്വദേശി മുഹമ്മദ് റിസ്വാൻ (18) എന്നിവരെയാണ് പയ്യന്നൂർ എസ്.ഐ പി.യദുകൃഷ്ണനും സംഘവും അറസ്റ്റ് ചെയ്തത്.

കണ്ണൂരിൽ നിന്ന് ഞായറാഴ്ച രാത്രിയാണ് പയ്യന്നൂർ പോലീസ് പിടികൂടിയത്. മഹാദേവഗ്രാമം സ്വദേശി സി കെ രാമകൃഷ്ണനെയാണ് കഴിഞ്ഞ വെള്ളിയാഴ്ച്ച ബൈക്കിൽ എത്തിയ സംഘം ആക്രമിച്ചു വീഴ്ത്തി രണ്ടു ലക്ഷത്തിലധികം രൂപ കവർന്നത്.

Related tags: Latest News Kannur, Kerala Police, Arrest