● മലപ്പുറം: റെയില്‍പ്പാളത്തില്‍ ഇരുമ്പുപൈപ്പുകള്‍ വെച്ചയാള്‍ പിടിയില്‍. ഇന്നലെയാണ് സംഭവം. തൃശ്ശൂർ-കണ്ണൂർ എക്സ്പ്രസ് ഇവിടെനിന്ന് എടുക്കുന്നതിനുതൊട്ടുമുൻപ് എൻജിന്റെ അടിയില്‍ പാളത്തില്‍ ഇയാള്‍ ഇരുമ്പുപൈപ്പുകള്‍ വെക്കുകയായിരുന്നു.
ഒരാള്‍ എൻജിന്റെ അടുത്തുനിന്ന് വരുന്നതുകണ്ട യാത്രക്കാരും റെയില്‍വേ ജീവനക്കാരും സംശയംതോന്നി നോക്കിയപ്പോഴാണ് ഇരുമ്പുപൈപ്പുകള്‍ കണ്ടത്. തുടർന്ന് ഇയാളെ പിടികൂടി തിരൂർ പോലീസിന് കൈമാറി.
തെലുങ്ക് സംസാരിക്കുന്ന മധ്യവയസ്കൻ മാനസികവെല്ലുവിളി നേരിടുന്നതായും അട്ടിമറി സാധ്യത ഇല്ലെന്നും പോലീസ് പറഞ്ഞു. ഈ വണ്ടിക്കുമുൻപ് കണ്ണൂർ ഇന്റർസിറ്റി എക്സ്പ്രസ് കടന്നുപോകുന്ന പാളത്തില്‍ കല്ലുവെക്കാനും ഇയാള്‍ ശ്രമിച്ചതായി പറയുന്നു.
Related tags: Latest News, Kerala, Railway, Arrest
Social Plugin